Polo Bhâli

Polo Bhâli iyâ arèya sala sèttong polo è Inḍonèsia sè bâḍâ ḍâlem ghughusân Kapolowan Nusa Tenggara. Èbhu kottha sakalighus posat pamarèntha otama Propinsi Bhâli bâḍâ è polo Bhâli iyâ arèya kottha Denpasar kalabân jumbla penduduk ḍâpa' 670.210 bâtèn è taon 2024 kalabân 124 bâtèn/km2. È taon 2023 jumbla penduduk polo Bhâli iyâ arèya 4.275.894 bâtèn.

Polo Bhâli è kennal kalabân jhulugghâ iyâ arèya Polo Dewata otabâ Polo sèbu Pura sè è adopsi dhâddhi jhuluk Propinsi Bhâli.

Gèografis

Polo Bhâli bâḍâ è bun Tèmor polo Jhâbâ bân è Bârâ' na Polo Lombok. Jara' kalabân konco' na palèng Tèmor Polo Jhâbâ iyâ arèya 1,6 km. Titik palèng tèngghi polo rèya iyâ arèya Ghunong Agung kalabân tèngghi na 3.142 meter.

Geologi

Polo Bhâli kasoson ḍâri Ghunong berapi omorra ngoḍâ è Ḍâjâ bân semenanjung, iyâ arèya Semenanjung Bukit, è bun lao'. Kaḍuwâ' sisi rèya è hubungngaghi bi' dhârât mabâ bân tana ghentèng aluvial.

Semenanjung Bukit bân Polo Nusa Penida kasoson ḍâri bâto ghâmpèng Neogen towa. Formasi bhântowan kasebbhut bisa è korelasiaghi kalabân formasi bhântowan sè nyoson Semenanjung Blambangan è Jhâbâ Tèmor bân formasi bhântowan è Lao' Lombok. Katello na angindikasiyaghi bâgiyân ḍâri zona Paghunongan Lao' Jhâbâ.

È bun Ḍâjâ bâḍâ jhâjhârân ghunong apoy ngadhep ka bârâ' Ḍâjâ - Tèmor lao'. Ghunong bâto karo bâḍâ è konco' lao' dhâddhi konco' sè palèng tèngghi, è arah Tèmor tasè' na bâḍâ ghunong Sanghyang, Puun, Lesung bân Tapak. Ghunong Lesung bân Tapak bâḍâ è attas struktur Kaldera Bratan. Bâgiyân Tèmor Bhâli bâḍâ kompleks ghunong Batur bân Ghunong Agung.

Demografi

Penduduk Polo rèya kabânnya'an orèng Bhâli sè ngangghuy bhâsa Bhâli kaangghuy Komunikasi ḍâlem sabbhân arè na. Salaènna bhâsa Inḍonèsia bân bhâsa Ènggris jhughâ bânnya' sè è ka ngartè. Polo Bhâli sabbhân taonna ollè jumbla kunjungan turis sè tèngghi, ḍâri turis domestik otabâ mancanaghârâ, sam'pè' salaènna orèng Bhâli, segghut è temmoè bânnya' orèng non-bhâli, otamana kottha rajâ bân tempat wisatana.