सुएज नहर
सुएज नहर हलिंया मू नहरय् छगू ख।
आर्थिक असर
[सम्पादन]

आर्थिक रुपं, सुएज नहर दयेकेधुंका मू कथं भूमध्यसागरीय देय् या समुद्री व्यापारिक शक्तियात फाइदा यात, गुकिलिं आः उत्तर व पश्चिम युरोपेली समुद्री व्यापारिक देय् दसु ग्रेट ब्रिटेन वा जर्मनी यात निकट व सुदूर पूर्वनाप यक्व याकनं स्वापू तयेके फत। मध्य युरोपनाप प्रत्यक्ष स्वापू दूगु मू हाब्सबर्ग व्यापारिक बन्दरगाह ट्रिएस्टेय् उगु ईलय् तच्वलं उदय जुल। [१]
१९गु शताब्दीइ ब्रिन्डिसी व ट्रिएस्टें बम्बईया अनुमानित स्टीमशिप यात्राया निंतिं बचत जूगु ई ३७ न्हु, जेनोआं ३२ न्हु, मार्सेलं ३१ न्हु, बोर्डो, लिभरपुल, लन्दन, एमस्टरडम व ह्याम्बर्गं २४ न्हु ख। उगु इलय् ढुवानी यायेगु सामानं थिकेगु नहरया मू पुले फइगु खँय् नं बिचाः यायेमाःगु अवस्था वल। थुकिलिं मध्य व पूर्वी युरोपया भूमि मार्ग नापं भूमध्यसागरीय बन्दरगाहया तच्वलं वृद्धि जुल। जहाज कम्पनीतेगु वर्तमान जानकारी कथं सिंगापुरं सुएज नहर जुयाः रोटरडम वनेगु रुट 6,000 kilometres (3,700 mi) म्हो जु व थुकथं अफ्रिका चाःहिलेगु मार्गया तुलनाय् ९न्हु म्हो जु। थुकिया लिच्वः कथं एसिया व युरोप दथुइ लाइनर सेवां थ्व चिहाकःगु रुटया कारणं ४४ प्रतिशत CO २ ( कार्बन डाइअक्साइड ) बचत याइ । पूर्वी अफ्रिका व भूमध्यसागरीय क्षेत्रया स्वापूइ सुएज नहरया उलि हे महत्वपूर्ण भूमिका दु ।
२०गु शताब्दीइ निगु विश्वयुद्ध व सुएज नहर संकटया कारणं सुएज नहर जुया जुइगु व्यापार यक्व ठप्प जुल। यक्व व्यापारिक प्रवाह भूमध्यसागरीय बन्दरगाहं उत्तरी युरोपेली टर्मिनल, दसु ह्याम्बर्ग व रोटरडमपाखे यंकल। शीतयुद्धया अन्त्य लिपा जक, युरोपेली आर्थिक एकीकरणय् वृद्धि, CO 2 उत्सर्जनया विचाः व चिनियाँ रेशम मार्ग पहल, भूमध्यसागरीय बन्दरगाह गथेकि पिरेयस व ट्रिएस्टे आदि कारण थ्व नहर हाकनं वृद्धि व लगानीया केन्द्रय् लाःगु दु। [२] [३]
सुएज नहरं २०२३ जुन ३० य् क्वचाःगु आर्थिक दँय् ९.४ अर्ब अमेरिकी डलर वार्षिक आम्दानी यानाः न्हूगु कीर्तिमान तःगु दु [४] यमनया तटय् च्वंगु जहाजय् हुथी विद्रोहीतय्सं याःगु आक्रमणं मासिक ८० करोड डलर नोक्सानी जूगु इजिप्टया राष्ट्रपति सिसीं जानकारी ब्यूगु दु । [५]
स्वयादिसँ
[सम्पादन]लिधंसा
[सम्पादन]- ↑ Wie der Suezkanal in 150 Jahren die Welt verändert hat (German: How the Suez Canal changed the world in 150 years) (16 November 2019).
- ↑ DW documentary examines China's grip on Europe (12 August 2020).
- ↑ New Silk Road: Everything that belongs to the mega project (German) (12 December 2022).
- ↑ "Suez Canal annual revenue hits record $9.4 billion, chairman says".
- ↑ Egypt losing $800 mln monthly in Suez Canal revenues due to regional tensions: El-Sisi at Armed Forces annual Iftar - Politics - Egypt.