Gwerdhour Suez

Dowrgleudh Suez
Sort	ship canal
Henwys dhyworth	Suez
Ygeryans sodhogel	17 Du 1869
Keskelmys gans	Red Sea, Mor Kres
Doronieth
Konteth	Suez Governorate
Gwlas	Ejyp
A-ugh an mor	0 Meter
Kesordnogyon	30.705°N 32.3442°E
Hys	193.3
Menystrys gans	Suez Canal Authority
	Restrennow kelmys war Wikimedia Kemmyn
	[edit on Wikidata]

Gwerdhour Suez (Arabek: قناة السويس, Qanā al-Suways, Frynkek: Le Canal de Suez) ew gwerdhour en Ejyp. Emava ow sevel dhe'n west a Gonna Tir Sinai. Y hes ew 163 km (101 mildir) ha'y les ew, lebma thew kulla, 200 m (656 tr). Ma ev owth ystydna tredh Port Said (Būr Sa'īd) war an Mor Kres, ha Suez (al-Suways) war an Mor Rudh. Derevys veu gen kowethyans frynkek. Derevel a dhallathas en 1859 ha gorfednas en 1869.

Gerys ew gorholyon rag viajya tredh Europa ha Asi en le mos oll an vor' a-dro dhe Afrika. Ma hebma owth erbysi termyn ha kunys. Derevys veu may halja Europeanyon viajya dhe hag a'n Mor Bras Eynda.

Istori

En 1859, derevys veu an Gwerdhour Suez gen Ferdinand de Lesseps a'n Kowethyans Gwerrdhour Suez Ollvesek. An derevel a gemeras 10 bledhen. An kensa gorhel a viajyas dre'n gwerdhour 17 Du, 1869; Giuseppe Verdi a skrifas an opera a vri Aida rag an solempnita.

Possybyl o dhe dreusporth gwara a-dreus an bes en esya woja derevyans an gwerdhour. Esya o Europeanyon dhe viajya dhe Afrika est, hag n skon an radn na a'n bes o rewlys gen powyow europek. Breten Veur a assayas aga lettya, thera own dhe anjei nerth frynkek dhe voghhe en Mor Bras Eynda. Woja hedna Breten Veur a brenas kevrednow e'n kowethyans.

Sewenyans Gwerdhour Suez a gednerthas an Frynkyon dhe assaya derevel Gwerdhour Panama. Bettegens, na wrug anjei y worfedna. Gorfennys veu an Gwerdhour Panama woja henda gen kowethyans aral.

An gwerdhour o onan a'n chif gwelyow batel e'n Gwerryans Hwegh Dedh en 1967. Ma dhe lu senji kres an Kenedhlow Unys bos desedhys en Konna Tir Sinai a-dhia 1974, rag avoydya gwerryans aral. An gwerdhour a dhasygoras en 1975.

Ma a-dro dhe 15,000 a worholyon ow mos dre'n gwerdhour pub bledhen (14% a wara an bes). Pub gorhel a gebmer bys dhe 16 our rag tremena an gwerdhour. En 2015 radn gres an gwerdhour a veu efanys rag gara moy a worholyon mos dredho ha mos skaffa.

Lettys veu an gwerdhour rag radn a vis Meurth 2021 gen an 'Ever Given', lester kofednow.