Kamo Vardanyan

Kamo Vardanyan
Şəxsi məlumatlar
Doğum tarixi	18 mart 1966(1966-03-18) (59 yaş)
Doğum yeri	Noraşen, Hadrut rayonu, Azərbaycan SSR, SSRİ
Vətəndaşlığı	SSRİ  Dağlıq Qarabağ Respublikası
Təhsili	Rusiya Federasiyası Silahlı Qüvvələri Baş Qərargahının Hərbi Akademiyası[d] (–2019)
Hərbi fəaliyyəti
Rütbəsi	general-leytenant
Döyüşlər	Birinci Qarabağ müharibəsi, Aprel döyüşləri, İkinci Qarabağ müharibəsi
Təltifləri

Kamo Vardanyan (18 mart 1966, Noraşen, Hadrut rayonu) — general-mayor. Birinci Qarabağ müharibəsi iştirakçısı, Aprel döyüşləri iştirakçısı, Qondarma Dağlıq Qarabağ Respublikasının müdafiə naziri (2021), İkinci Qarabağ müharibəsi iştirakçısı.

Həyatı

Kamo Baxaturoviç Vardanyan 18 mart 1966-cı ildə Martuni rayonunun Noraşen kəndində anadan olub. Norşen kəndindəki orta məktəbdə oxuyub. 2006-cı ildə Rusiya Silahlı Qüvvələrinin Birləşmiş Silahlı Qüvvələrin Akademiyasını bitirib. 2019-cu ildə isə Rusiya Silahlı Qüvvələri Baş Qərargahının Hərbi Akademiyasını bitirib.

1992-ci il fevralın 1-dən Qondarma Dağlıq Qarabağ Müdafiə Ordusunda xidmət edir. 1992–2012-ci illərdə ordunun müxtəlif hərbi hissələrində taqım komandiri, taqım komandirinin müavini, tabor komandirinin müavini — qərargah rəisi, tabor komandiri, hərbi hissə komandirinin müavini, hərbi hissə komandiri, komandir müavini kimi vəzifələrdə çalışıb. 2007–2012-ci illərdə orduda alpinistlər birliyinin komandiri idi.

2012-ci il noyabrın 12-də Qondarma Dağlıq Qarabağ Müdafiə Ordusu Baş Qərargah rəisinin birinci müavini təyin edilib. 6 may 2011-ci ildə ona general-mayor hərbi rütbəsi verilib.

11 sentyabr 2021-ci ildə Qondarma Dağlıq Qarabağ Respublikasının müdafiə naziri təyin olunub.

1992–1994, 2016 və 2020-ci illərdə hərbi əməliyyatlarda iştirak edib.

Ailəlidir, iki qızı, bir oğlu var.

Təltifləri

Qondarma Dağlıq Qarabağ Müdafiə Ordusunun 2-ci dərəcəli "Döyüş Xaçı" ordeni, Ermənistan Respublikasının "İgidliyə görə" medalı, Ermənistan Respublikasının "Vardan Mamikonyan" ordeni ilə təltif edilmişdir.