Piton (halas)
An nga mga piton (python; Pythonidae), sarong pamilya nin mga halas na bakong nakakahilo na makukua sa Aprika, Asya, asin Australia. Kabali sa mga miyembro kaini an nagkapira sa pinakadakulang halas sa kinaban. Sampulong genera asin 39 na species an nabibisto sa presente. Huli ta natural na bakong nakakahilo, an mga piton dapat na mag-ipit kan saindang biktima tanganing mag-induce nin cardiac arrest bago kakanon. An mga piton parati na minahampak asin minakagat kan saindang piniling biktima tanganing makapot kaini; dangan kaipuhan nindang gamiton an pisikal na kusog tanganing ma-constrict an saindang biktima, sa paagi nin pag-ikot kan saindang maskuladong hawak sa palibot kan hayop, na epektibo na pig-uulang ini bago halonon nin bilog. Ini laen na gayo sa mga halas na may hilo arog kan rattlesnake, halimbawa, na nagtatao nin marikas, nakakahilo na kagat alagad nagpapaluwas, na naghahalat mantang an biktima minadaog sa pagkahilo bago kaunon. Sa kabilogan, an mga piton dokumentadong marhay asin pinag-adalan bilang mga sawa, arog kan ibang mga halas na bakong nakakahilo.
