کینیڈا

شمالی امریکہ دا ہک ملک ہے۔ ٻہوں ٹھڈھا علاقہ ہے۔ کینیڈا کینیڈا Canada شمالی امریکہ دا ہک ملک ہے۔ ایندے ݙاہ 10 صوبے تے ترے 3 علاقے بحر اوقیانوس توں بحرالکاہل تے شمال دی طرف بحر منجمد شمالی تک پھیلے ہوئے ہن، جیندے نال ایہ دنیا دے سب توں طویل ساحل دے نال کل رقبے دے لحاظ نال دنیا دا ݙوجھا سب توں وݙا ملک بݨدا ہے۔ ایندا کل رقبہ 9,984,670 مربع کلومیٹر (3,855,100 مربع میل) ہے۔ کینیڈا دی زمینی سرحداں ریاستہائے متحدہ امریکہ دے نال جنوب تے شمال مغرب دی طرفوں ملدیاں ہن۔ ریاستہائے متحدہ دے نال ایندی سرحد دنیا دی سب توں لمبی بین الاقوامی زمینی سرحد ہے۔ ملک موسمیاتی تے ارضیاتی ݙوہاں خطیاں دی ہک وسیع رینج توں متصف ہے۔ ایہ چار کروڑ لوکاں دا ہک کم آباد ملک ہے، جیندے دی اکثریت شہری علاقیاں وچ رہندی ہے۔ کینیڈا دا دار الحکومت اوٹاوا ہے تے ایندے ترے 3 وݙے میٹرو پولیٹن علاقے ٹورنٹو، مونٹریال تے وینکوور ہن۔