2025年

2025年是一个平年，第一天从礼拜三开始。

事体

一月

• 1月1号，上海广播电视台砍脱3只电视频道外加4只电台频道。
• 1月1号，罗马尼亚帮保加利亚成为申根区正式成员国。
• 1月1号，乌克兰帮俄罗斯分别宣布，已经切断俄罗斯出发经乌克兰送去欧洲个天然气供应。
• 1月1号，美国路易斯安那州新奥尔良法国区发生汽车冲撞行人事体，造成16人死脱，35人受伤。
• 1月1号，一部特斯拉赛博皮卡来勒美国内华达州天堂市个拉斯维加斯特朗普国际酒店正门口爆炸，造成1人死脱，7人受伤。
• 1月2号，中华人民共和国陕西省渭南市蒲城县职业教育中心学生仔从学校宿舍跌下来摜死，家属怀疑学堂搭当地隐瞒真相，故咾抗议。
• 1月6号，美国对包括腾讯、宁德时代个11家支持中国军队发展个中国公司实施出口管制。
• 1月7号，西藏自治区日喀则市定日县发生里氏6.8级地震，论百人遇难。
• 1月7号，美国加州南部发生大规模山火，至少5人死脱，超10万人弗得弗疏散。
• 1月7号，美国传统基金会针对涉及反犹太主义个维基人制定人肉搜索计划。
• 1月10号，纽约州最高法院就“封口费”案判唐納德·川普有罪，必过无条件释放，成为头一位畀人定罪个侯任美国总统。
• 1月14号，受TikTok法令影响，交关外国用户拥进小红书APP。
• 1月15号，停职个韩国总统尹锡悦因为内乱罪畀人逮捕，成为韩国宪政史上头一名畀人逮捕个在任总统。
• 1月19号，按照TikTok法令，字节跳动旗下产品宣布退出美国市场，一天弗到就逐步恢复服务哉。
• 1月21号，土耳其博卢省个卡尔塔尔大酒店失火，至少死脱76個人哉。
• 1月28号，江苏无锡成为2025年春节联欢晚会个分会场。
• 1月29号，美鹰航空5342号航班来勒降落罗纳德·里根华盛顿国家机场个辰光帮架美国陆军个直升机撞勒一道，死脱至少67人。

两月

• 2月1号，美国总统唐納德·川普宣布对从加拿大、墨西哥进口个商品加征25%个关税，对中国来个商品另外征收10%个关税。
• 2月4号，美国邮政宣布暂停接收来自中国大陆搭仔香港个包裹入境，必过一天弗到就宣布继续接收。
• 2月4号，瑞典厄勒布鲁一家成人教育中心里向发生校园枪击案，造成至少11人死脱、15人受伤。
• 2月7号，2025年亚洲冬季运动会开幕式来勒哈尔滨国际会展体育中心体育馆举行。
• 2月12号，美国总统唐納德·川普同俄罗斯总统弗拉基米尔·普京通电话，讨论结束俄乌战争。
• 2月13号，动画电影《哪吒之魔童闹海》成为中国电影史里向头一部票房突破100亿元人民币个电影。
• 2月14号，2025年亚洲冬季运动会闭幕，中国代表团收获金牌数顶多。
• 2月24号，男子网球运动员张之臻世界排名第49位，成为中国第一位亚洲排名第一个男子网球球员。
• 2月28号，乌克兰总统弗拉基米尔·泽连斯基𧼱到美国白宫参加会谈，准备签订美国提出个《乌克兰—美国矿产资源协议》，结果勒现场帮美国总统特朗普、副总统万斯吵相骂。

三月

• 3月3号，美国总统唐納德·川普宣布对中国来个商品另外征收20%个关税。
• 3月6号，韩国空军F-16战隼战斗机勒垃军演个辰光弗当心轰炸韩国抱川市居民区，造成38人受伤。
• 3月18号，以色列打破停火协议，袭击加沙地带，造成400多人死脱。
• 3月18号，勒垃国际空间站滞留九個号头个两名宇航员乘SpaceX载人9号龙飞船2号回到地球。
• 3月20号，津巴布韦体育部长、退役游泳运动员柯丝蒂·考文垂当选第十任国际奥委会主席，是第一位女个奥委会主席。
• 3月20号，中华人民共和国对加拿大多种商品加征报复性关税。
• 3月28号，缅甸曼德勒省发生7.9级地震，中国云南搭仔泰国侪有强烈震感。

四月

• 4月2号，美国总统唐納德·川普签署行政命令，宣布对全球100多隻国家加征关税。
• 4月4号，韩国宪法法院通过弹劾案，罢免总统尹锡悦。
• 4月4号，道琼斯工业平均指数两天累计暴跌4000点，历史丄头一趟连续两日天单日跌幅超过1500点，正式进入熊市。
• 4月28号，伊比利亚半岛搭仔法国部分地区发生大规模停电。

过世

• 1月15号——大卫·林奇
• 2月2号——徐熙媛
• 2月27号——鲍里斯·斯帕斯基
• 3月17号——李兆基
• 4月13号——马里奥·巴尔加斯·略萨
• 4月21号——教宗方济各

虚拟作品里向

• 变形金刚个胜利斗争（1989年）里向个年份
• 交响诗篇AO（2012年），故事发生年份。