Nankin
Nankin (Qıtaysha Nanszin — qubla paytaxt) — Qıtaydıń shıǵıs bólegindegı qala. Szyansu provinsiyasınıń administrativ orayı. Xalqı 5,3 mln. kishi (1998). Yanszi dáryası tómengi aǵımındaǵı kerekli transport jolları túyini. Aeroport bar. Teńiz kemeleri kire alatuǵın port. Mámleketdiń iri ekonomikalıq, ilimiy hám mádeniy oraylarınan. Stanoksazlıq, elektr hám radio apparaturaları islep shıǵarıladı. avtomobilsazlıq hám awıl xojalıǵı mashinasazlıǵı, metallurgiya, ximiya, sement, toqımashılıq, azıq-awqat sanaatı kárxanaları, issıllıq elektr stansiyası bar. Qurılıs materialları islep shıǵarıladı. Ónermentshilik rawajlanǵan.
Nankinda Qıtay FAning filiali, topraqshunaslıq hám geografiya institutları, úniversitet hám basqa joqarı oqıw jurtları, kitapxana, muzeyler, botanika hám haywanat baǵları, rásatxana bar.
Nankinge mil. al. 472 jılda tiykar salınǵan. Túrli dáwirlerde qala atı hár túrli atalǵan. 1368—1421 jıllarda mámleket paytaxtı. 1421 — 1911 jıllarda Szyannan nayıplıgınıń orayı. 1853—64 jıllarda Taypinler mámleketi paytaxtı. 1911 — 12 jıllarda Sun Yatsen baslıq Qıtay Respublikası húkimetiniń qarargahi. 1912 jıldan Szyansu provinitsiyasınıń administrativ orayı. Administrativ hám tariyxiy esteliklerden "Imperator qalası" (14—15-ásirler), qala diywalı (uz. 34 km), ibádatxanalar, baralar saqlanǵan.[1]
Siltemeler
[redaktorlaw | derekti redaktorlaw]- ↑ Большое Собетская енциклопедия
 |
Wikiqoymada Nankin haqqında kategoriya bar |