先知
呢篇文講宗教方面的先知。想搵一套科幻電影嘅話，請睇先知 (電影)。
先知，喺亞伯拉罕諸教，係指宣講上帝旨意嘅人[1][2][3]，亦即係由上帝接收訊息，再將訊息傳畀第啲人嘅人，而接收訊息嘅方式有時會包括預見未來（所以叫先知），而啲訊息如果涉及預見未來就叫預言[3]。基督教同猶太教嘅文獻入面有好多有關先知嘅闡述；根據舊約聖經嘅記載，先知以前又叫先見（天主教譯先見者）[4]。
伊斯蘭教入面嘅先知指安拉派遣到世界嘅多位使者，有列舉佢個名嘅先知有廿五個[5]，但相信歷代各個民族都有安拉所派遣嘅先知或者使者。其中最後一位派遣畀全人類嘅使者係穆罕默德——（求真主賜佢哋全體平安）。
｢先知｣ 嘅稱呼後來假借咗用嚟用喺巫覡宗敎同其他宗教（喺西方甚至假借咗用嚟用喺其他領域），保留對未來嘅描述來自神祗，同占卜唔同，但係唔同宗教嘅信仰入便，對先知嘅認同並非全然一致。
亞伯拉罕、摩西
[編輯]猶太教徒以及後來嘅基督徒同穆斯林都承認亞伯拉罕（易卜拉欣）、摩西（穆薩）呢兩位舊約人物係先知。
耶穌
[編輯]支持三位一體嘅基督教主流教派認為耶穌係上帝嘅獨生仔，不單只係先知，而且亦都係神。伊斯蘭教承認耶穌（爾撒）同埋摩西、穆罕默德一樣，都係先知，而猶太教就認為耶穌唔單只唔係神，亦都唔係先知。
睇埋
[編輯]參考
[編輯]- ↑ 盧龍光等人編 (2003)。《基督教聖經與神學詞典》 (香港中文) (第1版)。香港：漢語聖經學會。頁 424 ｢prophet｣ 條。ISBN 962-513-250-3。
- ↑ 〈基督的信徒——聖統制，平信徒，獻身生活〉 (PDF). 《天主教教理》 (臺灣中文)。904–905 節。喺2025年4月17號搵到。
- ↑ 3.0 3.1 Hecht, Mendy. "What Is Prophecy?" (美國英文). Chabad-Lubavitch Media Center. 喺2025年4月17號搵到.
- ↑ 撒母耳記上9章9節（基督教和合本：撒上9:9、天主教思高本：撒上九9）.
- ↑ 《古蘭經》