工藝

整鞋嘅工藝

工藝，又叫手工藝、手作工藝、手作，係種專業領域，用非工業化嘅方法，用工具同技能，將原材料加工生產成貨；換句話講，即係用手工藝整貨。呢啲貨叫工藝品或者手工藝品。從事工藝嘅人可以叫手工藝人、匠人、工匠、工藝師。

喺西方，工藝通常包括哂用非工業化嘅方法整陶瓷、玻璃製品、紡織品（包括布同衫等等）、傢俬、珠寶首飾等等，亦包括以非工業化嘅方法訂裝；版畫（非工業化嘅印刷）亦可以視為一種工藝，不過通常算係藝術。喺東方，傳統工藝亦包括例如用藤織嘢等等。

工藝品通常都有實用價值，但係亦有冇實用價值嘅工藝品，例如用陶瓷整雕塑、用玻璃整裝置藝術、用綫同布織畫等等，整出嚟嘅就係用工藝媒體整出嚟嘅藝術品，叫工藝美術或者美術工藝，不過，喺西方嘅雅藝術界，工藝美術一直都受到岐視。

整工藝品嘅工具未必係細件嘢，亦可以好大件；例如，燒陶瓷嘅煤氣窰可以成個人都企得入去。呢啲工具亦未必係非自動化；例如，有啲手工藝人會用雅卡爾提花機織畫，又或者用3D打印整首飾等等。

睇埋

• 手工藝
• 工匠